Վենեսուելայի իշխանությունները շարունակում են երկխոսությունը Միացյալ Նահանգների հետ դիվանագիտական ուղիներով՝ չխուսափելով նույնիսկ ամենազգայուն տարաձայնությունները քննարկելուց, հայտարարել է երկրի նախագահի պաշտոնակատար Դելսի Ռոդրիգեսը։
«Մենք գտնվում ենք Միացյալ Նահանգների հետ երկխոսության, համագործակցության գործընթացում՝ քննարկելով անհամաձայնություններն ու դժվարությունները, թե՛ ամենազգայունները, թե՛ ոչ այնքան զգայունները, քննարկում ենք առանց որևէ վախի», – ասել է Ռոդրիգեսը՝ ելույթ ունենալով Կառավարության Դաշնային խորհրդի նիստում։
Նրա խոսքով՝ Կարակասը դիվանագիտությունն ու փոխըմբռնումն է համարում իր արտաքին քաղաքականության հիմքը։ Քաղաքական գործիչը շեշտել է, որ Վենեսուելայի իշխանությունները անխուսափելի են համարում Լատինական Ամերիկայի և Կարիբյան ավազանի երկրների համախմբումը որպես միասնական ուժ, որը կարող է դիմադրել էքսպանսիոնիստական և հեգեմոն մոտեցումներին։