Ուկրաինայի Ազգային անվտանգության և պաշտպանության խորհրդի քարտուղար Ռուստեմ Ումերովը հայտարարել է, որ Դավոսում հանդիպել է ԱՄՆ նախագահի հատուկ դեսպանորդ Սթիվ Ուիթքոֆի և ԱՄՆ նախագահի փեսա Ջարեդ Քուշների հետ՝ անվտանգության երաշխիքները քննարկելու համար։
«Մենք աշխատում ենք Դավոսում։ Նաև առանձին հանդիպում ունեցանք մեր ամերիկացի գործընկերների՝ Ջարեդ Քուշների և Սթիվ Ուիթքոֆի հետ։ Հիմնական թեմաներն էին տնտեսական զարգացումը, պատերազմից հետո վերակառուցումը և անվտանգության երաշխիքները», – գրել է Ումերովը իր Telegram ալիքում։
Համաշխարհային տնտեսական ֆորումը տեղի է ունենում Շվեյցարիայի Դավոս քաղաքում՝ հունվարի 19-23-ը։