Միացեալ Նահանգներու նախագահ Տանըլտ Թրամփ «ՆիուզՆէյշըն» պատկերասփիւռի կայանի «Քէյթի Փաւլիչ Թունայթ» ծրագիրին հետ իր նախագահական երկրորդ նստաշրջանի միամեակին առիթով տրուած հարցազոյցի ընթացքին յայտարարեց, որ «շատ խիստ ցուցմունքներ» տուած է «Իրանը այս Երկիրի երեսէն ջնջելու», եթէ զինք ահաբեկելու իր սպառնալիքները գործադրէ:
Ան շեշտեց, որ ամերիկեան հակադարձութիւնը պիտի ներառէ ամբողջ պետութիւնը, եթէ այդ սպառնալիքները գործադրուին: