ԱՄՆ նախագահ Դոնալդ Թրամփը Դավոսում կայանալիք Համաշխարհային տնտեսական ֆորումին մասնակցելու իր այցի շրջանակներում կհանդիպի Վլադիմիր Զելենսկիի, ՆԱՏՕ-ի գլխավոր քարտուղար Մարկ Ռյուտեի և Բելգիայի, Եգիպտոսի և Լեհաստանի առաջնորդների հետ։ Այս մասին լրագրողներին հայտարարել է Սպիտակ տան մամուլի քարտուղար Քերոլայն Լիվիտը, որը Թրամփի պատվիրակության անդամ է։
Սպիտակ տան մամուլի ծառայության տվյալներով՝ Բելգիայի, Եգիպտոսի և Լեհաստանի առաջնորդների հետ երկկողմ հանդիպումները կանցկացվեն փակ դռների հետևում։
Ավելի վաղ Թրամփը Դավոսում հանդիպել էր Շվեյցարիայի նախագահ Գի Պարմելենի հետ։
Զելենսկու հետ հանդիպումը կկայանա հինգշաբթի՝ հունվարի 22-ին։ Սկզբում Թրամփը հայտարարել էր, որ հանդիպումը կկայանա չորեքշաբթի՝ հունվարի 21-ին, սակայն ավելի ուշ՝ լրագրողների հարցերին ի պատասխան, պարզաբանել է, որ սխալ է արտահայտվել և նկատի է ունեցել հունվարի 22-ը։