21 հունվարի 2026 – 11:20 AMT
PanARMENIAN.Net – Ադրբեջանի նախագահ Իլհամ Ալիևը Դավոսում՝ «Եվրասիայի տնտեսական ինքնության որոշումը» թեմայով պանելային քննարկման ժամանակ, անդրադառնալով ՀՀ հետ կարգավորմանը, հայտարարել է, որ հայ-ադրբեջանական և հայ-թուրքական մերձեցումը զուգահեռ է ընթանում:
«Անշուշտ, այս գործընթացները կավարտվեն միաժամանակ դիվանագիտական հարաբերությունների հաստատմամբ Թուրքիայի և Հայաստանի, ինչպես նաև Ադրբեջանի և Հայաստանի միջև»,-ասել է նա, հայտնում է APA-ն:
Նա հավելել է, որ եթե հնարավոր չլինի հասնել նպատակներին տարածաշրջանում, Ադրբեջանը չի կարողանա ձգտել գլոբալ իրադարձությունների:
Ադրբեջանի նախագահ Իլհամ Ալիևը Դավոսում «Եվրասիայի տնտեսական ինքնության ձևավորումը» թեմայով քննարկման ժամանակ հայտարարել է նաև, որ TRIPP նախագծի շրջանակում ստեղծելու են նոր տրանսպորտային միջանցք: