Այսօր այցելեցինք «Սուրբ Աստվածամայր» պոլիկլինիկա, որն արդեն իսկ ներառված է վերանորոգման և հագեցման ծրագրում, ինչի արդյունքում քաղաքացիները կսպասարկվեն բարեկարգ պայմաններում: Այս մասին տեղեկացնում է ՀՀ առողջապահության նախարար Անահիտ Ավանեսյանը։
«Թե´քաղաքացիների և թե´ բուժաշխատողների հետ անմիջական շփումները, նրանց ակտիվ մասնակցությունը ապահովագրության բարեփոխման գործընթացին անգնահատելի է: Եղա նաև «Սուրբ Աստվածամայր» ԲԿ-ում, որը վերանորոգվել և հագեցվել է. հաճելի էր տեսնել լրիվ վերափոխված մանկական ծառայությունը: Ենթակառուցվածք+բժշկական լավ թիմ+ հասանելիություն. սա է մեր բանաձևը»,- գրել է նախարարը: