ԱՄՆ նախագահ Դոնալդ Թրամփը սպառնացել է 200% մաքսատուրք սահմանել ֆրանսիական գինու վրա՝ այն բանից հետո, երբ Ֆրանսիայի նախագահ Էմանուել Մակրոնը մերժել է Վաշինգտոնի՝ Գազայի խաղաղության խորհրդին միանալու հրավերը։
Պատասխանելով լրագրողի հարցին Մակրոնի դիրքորոշման մասին՝ Թրամփը նշել է, որ պատրաստ է այս դեպքում նույնպես օգտագործել առևտրային սակագները որպես լծակ, գրում է CNBC-ն։
«Ամեն ինչ կարգին է։ Այն, ինչ ես կանեմ, դա այն է, որ եթե նրանք որոշեն թշնամաբար վերաբերվել, ես 200% մաքսատուրք կսահմանեմ նրանց գինու և շամպայնի վրա, և նա կմիանա։ Բայց նա պարտավոր չէ միանալ»,-ասել է Թրամփը։
Մակրոնի երկրորդ հնգամյա նախագահական ժամկետն ավարտվում է 2027 թվականի մայիսին, և ֆրանսիական օրենսդրության համաձայն՝ նա չի կարող վերընտրվել երրորդ ժամկետով։