Քրդական «Սիրիայի դեմոկրատական ուժեր» կոալիցիան հայտարարել է, որ «Իսլամական պետության» մոտ 1500 զինյալներ փախել են Հասակե նահանգի Աշ-Շադդադի քաղաքի բանտից։
ՍԴՈՒ մամուլի խոսնակ Ֆարհադ Շամին համապատասխան տվյալները տրամադրել է քրդական Rudaw հեռուստաալիքին։
Նրա խոսքով՝ քրդական ուժերը լքել են բանտը, մինչդեռ կառավարական ուժերին կից խմբավորումները, իբրև, «ազատ են արձակել ԴԱԻՇ-ի բոլոր գերիներին», որոնց թիվը կազմում էր մոտավորապես 1500: Շամին պարզաբանել է, որ ազատ արձակվելուց հետո զինյալները «միացել են հարձակվող խմբավորումներին»:
ՍԴՈՒ-ն նախկինում հայտնել էր, որ կորցրել է վերահսկողությունը ալ-Շադադի բանտի նկատմամբ, որտեղ պահվում են ԴԱԻՇ-ի հազարավոր կողմնակիցներ՝ Դամասկոսի հետ կապված զինված խմբավորումների հետ բախումներից հետո, որոնք հարձակումներ էին սկսել բանտի տարածքում։