Սուրիոյ հարցով ամերիկացի պատուիրակ Թամ Պարրաք Սուրիոյ նախագահ Ահմետ Շարհի եւ Սուրիոյ ժողովրդավարական ուժերու ղեկավար Մազլում Ապտիի միջեւ կնքուած համաձայնութիւնը նկատեց «առանցքային շրջադարձային կէտ»:
«Այս համաձայնութիւնն ու զինադադարը առանցքային շրջադարձային կէտեր կը ներկայացնեն, որովհետեւ նախկին հակառակորդները պառակտումի փոխարէն գործընկերութիւնը կ՛ընտրեն», ըսաւ ան:
Ան բարձր գնահատեց երկու կողմերուն «շինիչ» մօտեցումը կնքելու համաձայնութիւն մը, որ «ճամբան կը հարթէ դէպի միացեալ Սուրիա առաջնորդող երկխօսութեան եւ գործակցութեան վերանորոգման»: