ԱՄՆ նախագահ Դոնալդ Թրամփը հայտարարել է, որ այլևս խաղաղության մասին մտածելու կարիք չունի, քանի որ իրեն չեն շնորհել Խաղաղության Նոբելյան մրցանակ, ասվում է Սպիտակ տան ղեկավարի՝ Նորվեգիայի վարչապետ Յոնաս Գահր Ստյորեն ուղղված նամակում։
«Հաշվի առնելով, որ Ձեր երկիրը որոշել է ինձ չշնորհել Խաղաղության Նոբելյան մրցանակը՝ ութից ավելի պատերազմներ կանխելու համար, ես այլևս պարտավորված չեմ զգում մտածել բացառապես խաղաղության մասին, և այժմ կարող եմ մտածել այն մասին, թե ինչն է լավ և ճիշտ Ամերիկայի Միացյալ Նահանգների համար», – ասվում է նամակի մի հատվածում, որը X սոցիալական ցանցում հրապարակել է PBS-ի լրագրող Նիք Շիֆրինը։