ԱՄՆ նախագահ Դոնալդ Թրամփի վարչակազմն առաջարկում է, որ երկրները Գազայի խաղաղության խորհրդում մշտական տեղ ունենալու համար հատկացնեն առնվազն 1 միլիարդ դոլար։ Այս մասին հաղորդում է Bloomberg-ը՝ հղում անելով խորհրդի նախագծի կանոնադրությանը։
«Յուրաքանչյուր մասնակից պետություն կծառայի ոչ ավելի, քան երեք տարի այս կանոնադրության ուժի մեջ մտնելուց հետո՝ նախագահի կողմից երկարաձգման հնարավորությամբ։ Երեք տարվա ժամկետը չի տարածվի այն անդամ պետությունների վրա, որոնք խորհրդին կներդնեն ավելի քան 1 միլիարդ դոլար այս կանոնադրության ուժի մեջ մտնելուց հետո առաջին տարվա ընթացքում», – մեջբերում է Bloomberg-ը նախագծի փաստաթղթից։
Այն նաև նշում է, որ Թրամփը կորոշի, թե ում հրավիրել միանալու Խաղաղության խորհրդին։ Որոշումները կկայացվեն մեծամասնության քվեարկությամբ, որտեղ յուրաքանչյուր երկիր կստանա մեկ ձայն։ Սակայն, գործակալությունը նշում է, որ բոլոր որոշումները պետք է հաստատվեն նախագահի կողմից։