ԱՄՆ նախագահ Դոնալդ Թրամփը կարծում է, որ Գրենլանդիա իրենց ուժերը ուղարկած եվրոպական երկրները սկսել են «շատ վտանգավոր խաղ»։ Նա այս մասին գրել է Truth Social-ում։
«Դանիան, Նորվեգիան, Շվեդիան, Ֆրանսիան, Գերմանիան, Միացյալ Թագավորությունը, Նիդեռլանդները և Ֆինլանդիան բոլորը գնացել են Գրենլանդիա անհայտ նպատակով», – նշել է Թրամփը՝ անդրադառնալով այդ երկրներից զորքերի տեղակայմանը։ «Սա շատ վտանգավոր իրավիճակ է մոլորակի անվտանգության և գոյատևման առումով»։ Թրամփի խոսքով՝ «այս շատ վտանգավոր խաղը խաղացող երկրները ստեղծել են անընդունելի ռիսկի մակարդակ»։ «Հետևաբար, համաշխարհային խաղաղությունն ու անվտանգությունը պաշտպանելու համար պետք է վճռական գործողություններ ձեռնարկվեն՝ ապահովելու համար, որ այս պոտենցիալ վտանգավոր իրավիճակը արագ և անկասկած ավարտվի», – հավելել է նա։