Հայաստանն այս պահին Բաքվի դեմ հայցերից չի հրաժարվել, և, կարծում եմ՝ հրաժարման հիմքն էլ չունի։ Այս մասին ասուլիսի ժամանակ ասել է «Միջազգային և համեմատական իրավունքի կենտրոնի» ղեկավար Սիրանուշ Սահակյանը։
Նա հավելել է, որ «Խաղաղության պայմանագրի» նախաստորագրմանը պետք է հաջորդեն այլ գործընթացներ, դրանք են՝ ստորագրումը, վավերացումը, և դրա ուժի մեջ մտնելու գործընթացը:
«Քանի դեռ այդ համաձայնագիրն ուժ չի ստացել, հայցերից հրաժարման իրավական հիմք գոյություն չունի:
Խնդիրը, կարծում եմ, արդիական կլինի, երբ փաստաթուղթը մտնի ուժի մեջ, որովհետև այդ պահից հաշված, մեկամսյա ժամկետում, երկու կողմերը պարտավորություն ունեն դատարաններին հայտնել դատական հայցերից հրաժարվելու իրենց մտադրության մասին»,-նշել է նա:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: