Կրեմլի մամուլի ծառայությունը հայտնել է, որ նախագահ Վլադիմիր Պուտինը հեռախոսազրույց է ունեցել Իսրայելի վարչապետ Բենիամին Նեթանյահուի հետ Իրանում տեղի ունեցող անկարգությունների շուրջ։
«Ռուսաստանի նախագահ Վլադիմիր Պուտինը հեռախոսազրույց է ունեցել Իսրայելի վարչապետ Բենիամին Նեթանյահուի հետ։ Քննարկվել են Մերձավոր Արևելքում և Իրանի շուրջ ստեղծված իրավիճակը», – ասվում է մամուլի հաղորդագրության մեջ։
Նախագահը կոչ է արել տարածաշրջանում կայունությունն ու անվտանգությունն ապահովել դիվանագիտական միջոցներով։ Ռուսաստանը պատրաստ է միջնորդել երկխոսությունը։
Պուտինը և Նեթանյահուն նաև համաձայնել են շարունակել շփումները։
Կրեմլի խոսնակ Դմիտրի Պեսկովը ավելի ուշ հայտարարել է, որ Ռուսաստանի առաջնորդը նաև զրուցել է Իրանի նախագահ Մասուդ Պեզեշկիանի հետ, և զրույցի արդյունքները շուտով կհրապարակվեն։ Պեսկովի խոսքով՝ Պուտինը զգալի ջանքեր է գործադրում Մերձավոր Արևելքում լարվածությունը թուլացնելու համար։