Պետական եկամուտների կոմիտեն տեղեկացնում է, որ մաքսանենգ ճանապարհով բջջային հեռախոսներ Հայաստան ներկրելու գործով ձերբակալված անձանց մասով քրեական վարույթը նախաձեռնվել է ՊԵԿ-ի կողմից՝ ՀՀ Հակակոռուպցիոն կոմիտեին փոխանցված տեղեկատվության հիման վրա։
Ավելի վաղ ՊԵԿ-ը հայտնել էր, որ մաքսանենգ ճանապարհով բջջային հեռախոսների ներմուծման վերաբերյալ կոմիտեում իրականացվում է ծառայողական քննություն։
ՊԵԿ-ից ընդգծում են, որ դեպքի բոլոր հանգամանքները պարզելու ուղղությամբ իրականացվում են անհրաժեշտ քննչական գործողություններ։