Մենք կունենանք համաշխարհային ստանդարտներին համապատասխան նոր որակի բիոմետրիկ փաստաթուղթ և դրան համարժեք թվային ենթակառուցվածք․ Արմեն Ղազարյան

ՆԳ նախարարի տեղակալի խոսքով՝ վիզաների ազատականացում նշանակում է շենգենյան երկրներում կարճաժամկետ գտնվելու վիզայի պահանջի վերացում։ Վիզաների ազատականացման գործընթացն ունի և՛ քաղաքական, և՛ տեխնիկական բաղադրիչ։ «Սա նուրբ հարց է Եվրոպական միության համար, և որոշումները կայացվում են միաձայնությամբ։ ԵՄ բոլոր պետությունները պետք է համաձայն լինեն, որ վիզաների ազատականացման գործընթացը ստանա դրական հանգուցալուծում»,-ընդգծել է Արմեն Ղազարյանը։