Հայր Ասողիկի հարցաքննությունը Քննչական կոմիտեում շուրջ 6 ժամ է տևել. խոսքը շուրջ 7 տարվա վաղեմության գործի մասին է:
Թեման նոր չէ, շրջանառվում է արդեն շուրջ 7 տարի և վերաբերում է Մայր աթոռում պահվող Սուրբ Գեղարդի վնասվելուն և պատմամշակութային մյուս արժեքների կորստի, փոփոխության հարցին, @ArmeniaSputnik–ի հետ զրույցում ասաց նրա պաշտպան Մարինե Ֆարմանյանը։
«Հայր Ասողիկը վկայի կարգավիճակ ունի։ Նրա դիրքորոշումը իհարկե չի փոխվել, ինչպես 7 տարի առաջ լրատվամիջոցների հետ զրույցում էր նա ասել, այսօր էլ կրկնեց՝ Գեղարդն անվնաս է և պահվում է Մայր աթոռում այնպես, ինչպես դարեր շարունակ է եղել»,- նշեց Ֆարմանյանը։