Իրանի Ազգային անվտանգության գերագույն խորհրդի քարտուղար Ալի Լարիջանին ԱՄՆ-ի նախագահ Դոնալդ Թրամփին և Իսրայելի վարչապետ Բենիամին Նեթանյահուին անվանել է իրանցի ժողովրդի գլխավոր մարդասպաններ։ Այս մասին նա գրել է X սոցիալական ցանցի իր էջում։
Նա արձագանքել է Սպիտակ տան գրառմանը, որում ամերիկացի առաջնորդը կոչ է արել իրանցիներին շարունակել բողոքի ցույցերը և գրավել կառավարական հաստատությունները՝ խոստանալով օգնել նրանց։ «Մենք հայտարարում ենք իրանցի ժողովրդի գլխավոր մարդասպանների անունները՝ 1. Թրամփ, 2. Նեթանյահու», – հայտարարել է Լարիջանին։