Մադրիդի «Ռեալի» նորանշանակ գլխավոր մարզիչ Ալվարո Արբելոան անդրադարձել է թիմի նախկին մարզիչ Խաբի Ալոնսոյի հետ ունեցած զրույցին։ 42-ամյա մասնագետը պատմել է, թե ինչպես է իր վաղեմի թիմակիցն ու ընկերն արձագանքել մարզչական այս փոփոխությանը։
«Նա ինձ ամենայն բարիք մաղթեց, ես էլ՝ իրեն։ Մեզ կապում է ընկերությունը, որը վեր է ամեն ինչից։ Համոզված եմ՝ Խաբիի մոտ ամեն ինչ հիանալի է լինելու, և մենք շարունակելու ենք մնալ ընկերներ», — Արբելոայի խոսքերն է մեջբերում AS պարբերականը։
Հիշեցնենք, որ Խաբի Ալոնսոն մադրիդյան գրանդը գլխավորում էր նախորդ ամռանից։ Սակայն երկուշաբթի՝ հունվարի 12-ին, «Ռեալը» պաշտոնապես հայտարարեց իսպանացի մասնագետի հետ համագործակցությունը դադարեցնելու մասին։
Ալոնսոյի պաշտոնանկությունից անմիջապես հետո թիմի ղեկը վստահվեց Ալվարո Արբելոային, որը մինչ այդ հաջողությամբ մարզում էր «սերուցքայինների» երիտասարդական թիմը։