Հայաստանը Ադրբեջանից գնում է «պրեմիում» բենզին, այն դեպքում, երբ Ադրբեջանը իրական պրեմիում դասի վառելիք չի արտադրում։
Այդ դեպքում ինչպե՞ս է բարձրացվում օկտանային թիվը։
Ի՞սկ դուք գիտեիք,որ մեթոդներից մեկը կապարի օկտագործումն է։
Oկտանը բարձրացնելու ամենահին և ամենաէժան եղանակներից մեկը կապարի հավելումն է՝ տետրաէթիլ կապար (C₈H₂₀Pb)։
Այս նյութը գրեթե ամբողջ աշխարհում վաղուց արգելված կամ մերժված է՝ մարդու առողջության վրա ունեցած ծանր և անդառնալի հետևանքների պատճառով։
Եթե օկտանը բարձրացվում է նման եղանակով, դա որակյալ վառելիք չէ։
Դա երկարաժամկետ վնաս է հատկապես ուղեղի և նյարդային համակարգի համար։
Սա քաղաքականություն չէ։ Սա քիմիա է։ Իսկ քիմիան չի ներում։
Հակոբ Ագանյան
P.S. Երբ կապար պարունակող բենզինը այրվում է, վտանգը չի մնում շարժիչի ներսում։ Այրման ընթացքում կապարը վերածվում է անտեսանելի, մանր մասնիկների և դուրս է գալիս օդ։ Այդ մասնիկները հեշտությամբ տարածվում են օդի մեջ և, մտնելով օրգանիզմ, այլևս չեն հեռանում։ Կապարը կուտակվում է արյան մեջ, օրգաններում, ոսկորներում և ուղեղում՝ ժամանակի ընթացքում խորացնելով վնասը։
Կապարը ծանր հարված է հասցնում վերարտադրողական համակարգին։ Այն խախտում է հորմոնների բնական հավասարակշռությունը և վնասում է վերարտադրողական բջիջները։ Մեծահասակների մոտ դա կարող է նվազեցնել կամ ամբողջությամբ կանգնեցնել պտղաբերությունը։ Հղիության ընթացքում կապարը անմիջապես փոխանցվում է պտղին՝ մեծացնելով վիժումների, ծննդաբերական արատների և կյանքի ընթացքում անդառնալի զարգացման խանգարումների վտանգը։
Ուղեղը և նյարդային համակարգը հատկապես խոցելի են։ Երեխաների մոտ նույնիսկ փոքր քանակի կապարը կարող է պատճառ դառնալ մտավոր կարողությունների կորստի, ուսման դժվարությունների և վարքային խնդիրների, որոնք մնում են ողջ կյանքի ընթացքում։ Մեծահասակների մոտ կապարի ազդեցությունը կապված է հիշողության վատացման, տրամադրության խանգարումների, դողերի և նյարդային համակարգի վնասման հետ։
Կապարը վնասում է նաև երիկամներին, սրտին և իմունային համակարգին։ Երկարատև ազդեցությունը մեծացնում է երիկամային հիվանդությունների, բարձր ճնշման, սրտի հիվանդությունների, ինսուլտի, արյան պակասի և հորմոնալ խանգարումների վտանգը։ Կապարի համար անվտանգ քանակ գոյություն չունի։ Դրա ազդեցությունը լուռ է, կուտակվող և հաճախ անդառնալի, ինչի պատճառով աշխարհում տասնամյակներ առաջ հրաժարվեցին կապարով բենզինից։
P.P.S. Հստակ պարզաբանում և հեղինակային դիրքորոշում
Իմ կողմից հրապարակված նյութը հարցադրումների և գիտական տրամաբանության վրա հիմնված վերլուծություն է։ Այն չի ներկայացվում որպես վերջնական փաստ կամ պնդում։ Տեքստում հատուկ օգտագործվել են հարցականներ, քանի որ խոսքը գնում է քննարկման ենթակա գիտական հարցերի մասին, ոչ թե հաստատված եզրակացությունների։
Թույլատրելի չէ փոխել տեքստի բառերը, հեռացնել կամ փոխարինել հարցական նշանները, կամ նյութը ներկայացնել այնպես, կարծես ես 100% վստահ պնդում եմ որևէ գործընթացի իրականացման մասին։ Նման փոփոխությունները խեղաթյուրում են բովանդակության իմաստը և իմ՝ որպես հեղինակի իրական դիրքորոշումը։
Եթե նյութը վերատպվում, տարածվում կամ մեջբերվում է այլ հարթակներում, այն պետք է ներկայացվի ճիշտ նույն ձևակերպմամբ, առանց խմբագրման, բառերի փոփոխման կամ ենթատեքստի աղավաղման։ Ցանկացած վերաշարադրանք կամ մեկնաբանություն պետք է հստակ նշվի որպես երրորդ կողմի կարծիք, այլ ոչ իմ խոսք։
Այս գրառման նպատակը քաղաքական չէ։
Այն վերաբերում է քիմիային և գիտական մտածողությանը։
Տրված հարցերը դիտավորյալ են և մնում են հարցեր՝ մինչև ստացվեն հստակ, ստուգելի պատասխաններ։
Ես կողմ եմ ՀՀ ապաշրջափակմանը և ազատ առևտրային հարաբերություններին, սակայն կան հարցեր որոնք պետք է հստակեցնել և սա այդ հարցերից մեկն է: