13:47 10.01.2026 (Թարմացված է: 13:52 10.01.2026)
Բաժանորդագրվել
Ի թիվս այլնի, առաջնորդի պաշտոնից ազատման պատճառներից մեկը թեմի եկեղեցականների նկատմամբ հարկադրանք ու ճնշումներ գործադրելն է:
ԵՐԵՎԱՆ, 10 հունվարի – Sputnik. Ամենայն հայոց կաթողիկոս Գարեգին Բ–ի հայրապետական տնօրինությամբ Մասյացոտնի թեմի առաջնորդ տեր Գևորգ եպիսկոպոս Սարոյանն ազատվել է թեմակալ առաջնորդի պաշտոնից։ Այս մասին հայտնում է Մայր աթոռի տեղեկատվական համակարգը:
Նշենք, որ Գևորգ սրբազանը մեկն է այն 10 հոգևորականներից, որոնք միացել են ՀՀ վարչապետ Նիկոլ Փաշինյանի կողմից Գարեգին 2–րդի դեմ տարվող արշավին ու պահանջում է վեհափառի հրաժարականը:
«Տնօրինության համար հիմք են ծառայել առաջնորդի հանգամանքը չարաշահելու, պարտականությունների մեջ թերանալու, թեմի եկեղեցականաց նկատմամբ հարկադրանք ու ճնշումներ գործադրելու պարագաները»,- ասված է հաղորդագրությունում:
Նշվում է, որ հայրապետական տնօրինությամբ Մասյացոտնի թեմի առաջնորդական տեղապահ է նշանակվել տեր Ռուբեն վարդապետ Զարգարյանը։