Հյուսիսատլանտյան դաշինքը երկկողմանի դիվանագիտական հարձակում է սկսել ԱՄՆ նախագահ Դոնալդ Թրամփի դեմ՝ Գրենլանդիայում Վաշինգտոնի հնարավոր ռազմական միջամտությունը կանխելու համար, հաղորդում է Politico-ն՝ հղում անելով աղբյուրներին։
Նրանց խոսքով՝ ՆԱՏՕ-ի դեսպանները առաջարկել են ավելացնել Արկտիկայի պաշտպանության համար ծախսերը, տեղակայել ավելի շատ ռազմական տեխնիկա և ավելացնել զորավարժությունների քանակը՝ նախագահ Թրամփին տարածաշրջանի անվտանգության հարցում համոզելու համար։
Նշվում է, որ Բրյուսելում փակ հանդիպման ժամանակ ՆԱՏՕ-ի դեսպանները եկել են այն եզրակացության, որ անհրաժեշտ է փոխզիջում գտնել Գրենլանդիայի ապագայի վերաբերյալ Թրամփի դիրքորոշման հետ։
Դանիայում ԱՄՆ դեսպան Ջեսպեր Մյոլլեր Սյորենսենը և Վաշինգտոնում Գրենլանդիայի ներկայացուցիչ Ջեյքոբ Իսբոսեցենը հանդիպել են ամերիկացի կոնգրեսականների հետ և փորձել են նրանցից որքան հնարավոր է շատերին համոզել, որ Գրենլանդիան հետաքրքրված չէ Սպիտակ տան կողմից գնվելով, և որ Դանիան գործարք չի կնքի։
Հրատարակությունը ընդգծում է, որ դանիացի պաշտոնյաները հունվարի 9-ին ԵՄ դեսպանների հանդիպման ժամանակ պաշտոնական ճեպազրույց կանցկացնեն իրավիճակի վերաբերյալ։