«Մայր Հայաստան» կուսակցության անդամ Սոնա Աղեկյանը ֆեյսբուքյան էջում գրել է․ ««Մայր Հայաստան» խմբակցությունն ամենօրյա ռեժիմով ստանում է ահանզանգեր մայրաքաղաքում տիրող մերկասառույցի մասին։ Բազմաթիվ են նաև սոցիալական ցանցերում գրառումներն առ այն, որտեղ բնակիչները փորձում են պատկան մարմինների ուշադրությունը հրավիրել և հիշեցնել իրենց պարտավորությունների մասին… Ստորև ներկայացնում եմ համառոտ վիճակագրություն 2026 թվականի առաջին օրերին մայրաքաղաքի փողոցների վերաբերյալ.
Երևանում մերկասառույցի են վերածվել Կոմիտաս 3 շենքի բակը, Այգեստանն ամբողջությամբ, Այգեձոր 76, 77, 78 շենքերի բակերը, Քանաքեռ-Զեյթունն ամբողջությամբ, իսկ Դրո 10 շենքի բակը պարզապես անանցանելի է, տանիքից էլ սառցաբեկորներն են թափվում՝ ընկնելով մարդկանց գլխին, սառած է Նվեր Սաֆարյան 14/14 հասցեն ամբողջովին, Գրիգոր Արծրունի 28-ից մինչև Գյուլբենկյանը ամբողջը մերկասառույց է, որի պատճառով էլ անընդհատ վթարներ են արձանագրվում, Կոմիտաս 54/1-ի բակը վերածվել է սահադաշտի, Շենգավիթում բոլոր մայթերն ու բակերը «կատոկ» են դարձել, Շարուրի փողոցում մարդիկ տնից համարձակվում են դուրս գալ միայն անհետաձգելի դեպքերում, սառցապատ է Մաշտոցի պողոտան իր ողջ երկայնքով, Արեշը, Վարդանանց 28, 28/1, 28/2 շենքերի հարակից ողջ տարածքները, Նոր Նորքի Գալշոյան 38 շենքի տանիքից մի քանի մետրանոց սառցաբեկորներ են կախված, լիովին անտեսված է 9-րդ Մասիվը, անանցանելի է Նոր Նորք 3/րդ զանգվածի Բաղյան 1-ին նրբանցքի դեպի դպրոց տանող ճանապարհը, Դավթաշենը ամբողջովին մատնված է անտերության, Կոմիտաս 52-ի հարակից ամբողջ տարածքը մերկասառույց է, սահադաշտի են վերածված Արամ Խաչատրյանի բակերը, Կոմիտաս 30 շենքի բակը և Նոր Արեշ 14 փողոցը մերկասառույցի են վերածված, նույն վիճակում է Կիևյան 4 շենքի շրջակայքը, Մալյան փողոցը, Բաղրամյան 62-ի բակը, Կոմիտաս 14 շենքի մերձակա տարածքը, վտանգավոր են Արաբկիր 33՝ Ժիրայր Անանյան, Ռիգայի և հարակից փողոցները, Կարապետ Ուլնեցի 1 փակուղի, Փափազյան 16 բ շենքի տարածքը, Սարի թաղը, Մարգարյան 11-ը, Կոմիտաս 1-ից մինչև Կոմիտաս 16, 17, 18 , Վիկտոր Համբարձումյան փողոցը, մերկասառույցով են պատված Հովսեփ Էմին, Մալխասյանց փողոցները, Սլավոնական համալսարանի մերձակայքը, Ջրվեժի Մայակ թաղամասի մանկապարտեզի, դպրոցի մերձակայքը, սառցապատ են Հյուսիսային պողոտան, Տերյանը, Պուշկինը, Էրեբունի Մասիվը, Կասյան 5-ը, Արցախի պողոտայի 20 շենքի բակն ու կողքի շենքերի բակերը, Մարգարյան 29/1-ի հարակից ողջ տարածքը, Ֆրունզեի փողոցը ամբողջովին, Տիգրանյան 21-ի բակը, Լեմկինի 14, Կոմիտաս 36, Գայի արձանի ստորին հատվածից մինբև Մեգա Մոլ խայտառակ վիճակ է, սառցապատ է 6-րդ Մասիվը, Իսակովի պողոտան, Վրացական 4-րդ նրբանցքը, Նաիրի Զարյանը, Քաջազնունի փողոցը…
Մինչ պատրաստում էի այս նյութը, տեղեկացա, որ Կարապետյանից Պարսեղով իջնող փողոցը ևս շատ վտանգավոր վիճակում է։ Ճանապարհը ամբողջությամբ սառույց է դարձել։ Ո՛չ աղ, ո՛չ էլ ավազ կա, այն պարագայում, երբ փողոցը կտրուկ թեքություն ունի և ինչպես լրատվականին բնակիչները տեղեկացրել են՝ 12-ամյա տղա երեխան իջել է, որ աղբը թափի, սայթաքել է ու ընկել։ Երեխան գլուխն է խփել, բժիշկները ասել են՝ ուղեղի ցնցում է ստացել…
Պատկան մարմինները պարտավոր են վերացնել այս խնդիրը, հակառակ պարագայում քաղաքացին ինքը պետք է որոշի, թե ինչպես տուգանել աշխատավարձ ստացող, բայց չաշխատող խմբակին»: