«Ապառաժ». Արցախի հայաթափման վերջին օրերին երկու որդիներին կորցրած մայրն այսօր բողոքի ցույց է կազմակերպել Կառավարության դիմաց: Տիկին Ալլան միայնակ է պահել ու մեծացրել իր որդիներին։ Նրանք մասնակցել են Արցախյան վերջին պատերազմին ու երկուսն էլ զոհվել։ Տղաների մայրը նույնպես զինվորական էր ու մասնակցում էր Արցախի պաշտպանությանը։
2024 թվականին խաբեությամբ նրա ձեռքից վերցրել են զոհված տղայի մեքենայի վաճառքից ստացված գումարը (12 հազար ԱՄՆ դոլար), որպեսզի կառուցեն որդիների շիրմաքարերը ու չեն կատարել։ Երկրորդ տարին է, ինչ որդեկորույս մայրը դիմում է Հայաստանի Արդարադատությանը և ոչ մի կերպ չի կարողանում հետ վերցնել իր գումարը։ Մի ամբողջ արդարադատության համակարգ չի կարողանում լուծել այդ հարցը։
Որդեկորույս մոր պահանջն է՝ հրատապ հանդիպում երկրի Վարչապետի ու դատախազի հետ։ Նա պահանջում է հետ վերադարձնել իր գումարը և օրենքի ողջ խստությամբ պատժել հանցագործին։
Տիկին Ալլայի խոսքով՝ դատական նիստերն անընդհատ հետաձգվում են, քանի որ մեղադրյալի հանրային պաշտպանները չգիտես ինչու չեն ներկայանում նիստերին, իսկ մեղադրյալն առանց պաշտպանի չի ցանկանում մասնակցել։ Արդեն 7 անգամ նիստ է նշանակվել, 3 անգամ փոխվել է մեղադրյալի հանրային պաշտպանը և նրանցից ոչ մեկը նիստերին չի ներկայացել։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: