Boston Dynamics-ը CES ցուցահանդեսի ընթացքում ներկայացրել է ամբողջությամբ էլեկտրական Atlas հումանոիդ ռոբոտի արտադրական տարբերակը։
Արտադրությունը կսկսվի անմիջապես՝ Բոսթոնում, իսկ 2026թ.-ի բոլոր մատակարարումներն արդեն պլանավորված են։ Ստացողների թվում են Hyundai-ը և Google DeepMind-ը։ Նոր հաճախորդների ներգրավումը նախատեսվում է 2027թ.-ից։
Atlas-ը նախագծված է արդյունաբերական միջավայրերի համար․ այն կարող է ինքնուրույն կատարել նյութերի տեղափոխման և պատվերների կատարման առաջադրանքներ, բարձրացնել մինչև 50 կգ, աշխատել բարդ պայմաններում և վերալիցքավորվել՝ առանց աշխատանքի ընդհատման։ Մեկ ռոբոտի կողմից սովորած առաջադրանքները կարող են ակնթարթորեն կիրառվել ռոբոտների ամբողջ խմբի վրա։
Ընկերությունը նաև հայտարարել է Google DeepMind-ի հետ համագործակցության մասին՝ Atlas-ում ԱԲ մոդելներ ինտեգրելու նպատակով։ Hyundai Motor Group-ի խոշոր ներդրումների և արտադրական ծրագրերի աջակցությամբ Boston Dynamics-ը նպատակ ունի արագացնել հումանոիդ ռոբոտների լայն կիրառումը արդյունաբերությունում։