ՀՀ-ում չկա գոնե մի ընտանիք, որից ՀԷՑ-ը նախորդող շրջանում փող չի գողացել, ասել է Փաշինյանը ՎԻԴԵՈ
ԵՐԵՎԱՆ, 8 հունվարի․/Նովոստի–Արմենիա/․ ՀՀ-ում չկա գոնե մի ընտանիք, որից ՀԷՑ-ը նախորդող շրջանում փող չի գողացել։
Այս մասին այսօր կառավարության նիստից հետո լրագրողների հետ ճեպազրույցի ժամանակ հայտարարել է ՀՀ վարչապետ Նիկոլ Փաշինյանը։
«Ես համոզված եմ, որ մենք ճիշտ որոշում ենք կայացրել, արդարացված որոշում ենք կայացրել։ Ես համոզված եմ, որ մենք այդ որոշումը կկարողանանք պաշտպանել բոլոր ատյաններում», – ասել է Փաշինյանը։
Վարչապետը ներողություն է խնդրել, որ որոշումը, որն ինքը կայացրել է մայիսին և պետությունը, կառավարությունը և պետական մարմինները կայացրել են հետագայում, չի կայացվել 3, 5, 7 տարի առաջ։ Նրա խոսքով՝ իրենք այդտեղ սխալվել են և հիմա պետք է իրենց սխալներն ուղղեն։
Փաշինյանի խոսքով, Ռոմանոս Պետրոսյանի կառավարման մեկնարկի արդյունքում շահել են ՀԷՑ-ի բազմաթիվ աշխատողներ, որոնք երկար ժամանակ, ի տարբերություն վերնախավի, պարգևավճարներ և հավելումներ չէին ստանում։
Նա հայտնել է, որ Ռոմանոս Պետրոսյանի գործունեության մեկնարկից հետո նրանք պարգևավճարներ և հավելումներ են ստացել, ընդ որում, նույնիսկ ղեկավար կազմը չի ստանում այդքան հավելումներ։