Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ֆիլիպիններում Մայոն հրաբխի ժայթքման սպառնալիքը հանգեցրել է մոտ 3000 մարդու տարհանման, Ֆիլիպինների GMA News հեռուստաալիքին հայտնել է Ալբայ նահանգի նահանգապետ Նոել Ռոսալը։
«Ներկայում հայտնի է, որ տարհանվել է 729 ընտանիք, որոնք ներկայացնում են 2889 մարդ չորս համայնքներից և երկու քաղաքներից»,- ասել է նա։
Ըստ նահանգապետի՝ իրավիճակը ներկայում կայուն է, սակայն իշխանությունները պետք է տարհանեն մնացած մարդկանց հրաբխի մշտական վտանգավոր գոտուց վեց կիլոմետր շառավղով։
Ժայթքման սպառնալիքի պայմաններում Ֆիլիպինների քաղաքացիական ավիացիայի վարչությունը սահմանափակել է հրաբխի շուրջ թռիչքի բարձրությունները։ գագաթնակետից 3,35 կիլոմետր հեռավորության վրա ինքնաթիռների թռիչքներն արգելվել են։
Մայոն հրաբուխը վերջին անգամ ժայթքել է 2023 թվականի հունիսին։ Այդ ժամանակ մոտակա տարածքներից տարհանվել է 20 հազար մարդ։
Հետևեք մեզ՝ այստեղ