Աշխարհում ընթացող գործընթացները գնում են այն ուղղությամբ, որ յուրաքանչյուր պետություն նախ և առաջ պետք է ուժեղացնի իր ռազմական ներուժը և ապահովի սեփական անվտանգությունը։ Ինչպես հաղորդում են ադրբեջանական լրատվամիջոցները, այս մասին հունվարի 5-ին տեղական հեռուստաալիքներին տված հարցազրույցում հայտարարել է Ադրբեջանի նախագահ Իլհամ Ալիևը։
Նրա գնահատմամբ՝ ժամանակակից միջազգային համակարգում նախկինում ընդունված «միջազգային իրավունքի» գաղափարը այլևս չի գործում․
«Թող բոլորը դա մոռանան։ Այսօր գոյություն ունեն ուժ, համագործակցություն, դաշնակցային հարաբերություններ և փոխադարձ աջակցություն»,-նշել է Ալիևը։