Հայաստանի առաջատար դահուկորդ Միքայել Միքայելյանը տուգանվել է Իտալիայում կայացած Tour de Ski մրցաշարի ժամանակ իր համազգեստի վրա «Ադրբեջան» բառը փակելու համար: Այդ մասին սոցցանցերում հայտնել է Հայաստանի դահուկային սպորտի ֆեդերացիայի նախագահ Գագիկ Սարգսյանը։
«Միքայել Միքայելյանը տուգանվել է միջազգային ֆեդերացիայի կողմից։ Նա փակել է մրցաշարի հովանավորի անունը, ինչի պատճառով տուգանվել է»,- ասել է Գագիկ Սարգսյանը։
Միքայել Միքայելյանի տուգանքի չափը չի նշվում։ Ադրբեջանի պետական զբոսաշրջության կոմիտեն Դահուկային սպորտի և սնոուբորդի միջազգային ֆեդերացիայի հովանավորներից է։
Tour de Ski-ն աշխարհի գավաթի խաղարկության փուլերից է։
