Վենեսուելայի արտաքին գործերի նախարարությունը պահանջում է ՄԱԿ-ի Անվտանգության խորհրդի նիստ` քննարկելու ԱՄՆ-ի հարվածները, Telegram-ում գրել է Վենեսուելայի արտաքին գործերի նախարարը։
«Մեր հայրենիքի դեմ ԱՄՆ կառավարության կողմից իրականացված հանցավոր ագրեսիայի կապակցությամբ մենք խնդրել ենք ՄԱԿ-ի Անվտանգության խորհրդի արտակարգ նիստ, որը պատասխանատու է միջազգային իրավունքի պահպանման համար», — գրել է նախարարը:
Միևնույն ժամանակ, Reuters-ը, հղում անելով երկու աղբյուրի, հաղորդել է, որ Վենեսուելայի պետական նավթային ընկերության՝ PDVSA-ի ամենակարևոր օբյեկտները հարվածներից չեն տուժել:
Աղբյուրը նշել է, որ PDVSA-ի նավթի արդյունահանման և վերամշակման աշխատանքները շարունակվում են սովորականի պես: Մեկ այլ աղբյուր նշել է, որ Կարակասի մոտ գտնվող Լա Գուայրա նավահանգիստը զգալի վնաս է կրել:
Դա երկրի ամենամեծ նավահանգիստներից մեկն է, բայց չի օգտագործվում նավթի փոխադրման համար, հաղորդում է Reuters-ը: