Շաբաթ վաղ առավոտյան Վենեսուելայի մայրաքաղաք Կարակասում տեսանելի ու լսելի են եղել ինքնաթիռների և այլ բարձր ձայներ, ծխի սյուներ: Քաղաքի հարավային շրջանը, որը գտնվում է խոշոր ռազմաբազայի հարևանությամբ, մնացել է առանց էլեկտրականության, հաղորդում է Reuters-ը:
Կառավարությունից քիչ ավելի ուշ հայտնել են, որ հարձակումներ են եղել Կարակասում, Միրանդայում, Արագուայում:
Նախագահ Մադուրոն հրամանագիր է ստորագրել արտակարգ դրություն հայտարարելու և զորահավաքի կոչ անելու մասին:
ԶԼՄ-ներում հաղորդումներ կան, որ ԱՄՆ-ն է հարձակում սկսել, սակայն պաշտոնապես դրանք չեն հաստատվել:
ԱՄՆ նախագահ Դոնալդ Թրամփը բազմիցս խոստացել է ցամաքային գործողություններ իրականացնել Վենեսուելայում ՝ նախագահ Նիկոլաս Մադուրոյին պաշտոնանկ անելու փորձերի ֆոնին, ներառյալ պատժամիջոցների ընդլայնումը, տարածաշրջանում ԱՄՆ ռազմական ներկայության ուժեղացումը:
Պաշտոնական մեկնաբանություն դեռ չի հնչել նաև Պետդեպի կողմից: