«Բարսելոնայի» պաշտոնական կայքը հրապարակել է ակումբի՝ 21-րդ դարի առաջին քառորդի լավագույն ֆուտբոլիստների ցանկը, որը կազմվել է երկրպագուների քվեարկության արդյունքում։
Քվեարկությունն անցկացվել է ակումբի պաշտոնական հավելվածում՝ 2025 թվականի դեկտեմբերի 23-ից մինչև 2026 թվականի հունվարի 2-ը։ Նպատակն էր ձևավորել 2000-ից 2025 թվականների իդեալական կազմը՝ հիմնվելով ֆուտբոլիստների մարզաշապիկների համարների վրա (1-ից մինչև 25)։
Ընդհանուր առմամբ, ընտրությանը մասնակցել է 100 ֆուտբոլիստ, որոնք բաժանված են եղել խմբերի՝ յուրաքանչյուր համարի համար չորս թեկնածու: Արդյունքում ձևավորվել է «Բլաուգրանայի» վերջին 25 տարիների վերջնական հավաքականը, որում տեղ են գտել ինչպես ակումբի լեգենդները, այնպես էլ ներկայիս աստղերը։
Ստորև ներկայացնում ենք երկրպագուների ընտրած լավագույն կազմը՝ ըստ համարների.
- Վիկտոր Վալդես
- Դանի Ալվես
- Ժերար Պիկե
- Իվան Ռակիտիչ
- Կարլես Պույոլ
- Չավի Էռնանդես
- Դավիթ Վիլյա
- Անդրես Ինիեստա
- Լուիս Սուարես
- Լիոնել Մեսսի
- Նեյմար
- Ռաֆինյա
- Ժոան Գարսիա
- Թիերի Անրի
- Սեյդու Կեյտա
- Ֆերմին Լոպես
- Պեդրո Ռոդրիգես
- Ժորդի Ալբա
- Լամին Յամալ
- Սերխի Ռոբերտո
- Ֆրենկի դե Յոնգ
- Էրիկ Աբիդալ
- Ժյուլ Կունդե
- Յայա Տուրե
- Վոյցեխ Շչեսնի
Ցուցակում ընդգրկված են 2025/26 մրցաշրջանի կազմի 6 ֆուտբոլիստներ։ Ցանկում մեծ թիվ են կազմում «Լա Մասիայի» սաները՝ Վիկտոր Վալդեսը, Կարլես Պույոլը, Անդրես Ինիեստան, Լեո Մեսսին, Լամին Յամալը և Սերխի Ռոբերտոն։
Բացի աշխարհահռչակ աստղերից, երկրպագուները վստահություն են հայտնել նաև նոր սերնդի ներկայացուցիչներին՝ Լամին Յամալին, Ֆերմին Լոպեսին և Ժոան Գարսիային, որոնք համարվում են ակումբի ապագայի խորհրդանիշները:
