Ուկրաինայի պետական սահմանապահ ծառայության մամուլի խոսնակ Անդրեյ Դեմչենկոյի խոսքով՝ 2025 թվականին մոտ 1400 ուկրաինացի փորձել է անօրինական կերպով հատել Բելառուսի հետ սահմանը։
«Սահմանահատման փորձերի մեծ մասը մնում է Եվրամիության երկրների հետ սահմանին։ Անօրինական սահմանահատման փորձեր կան նաև Բելառուսի հետ սահմանին։ Եվ մենք ձերբակալում ենք այն խախտողներին։ 2025 թվականին ձերբակալվել է մոտավորապես 1400 մարդ, ովքեր փորձել են անօրինական կերպով հատել սահմանը այս ուղղությամբ»,-ասել է նա «Ռադա» հեռուստաալիքի եթերում։
Դեմչենկոն նախկինում նաև հայտարարել էր, որ 2025 թվականին Ուկրաինայից Բելառուս փախչել փորձող զորակոչային տարիքի տղամարդկանց թիվը կկրկնապատկվի նախորդ տարիների համեմատ։