Թաիլանդում Նոր տարվա տոների առաջին օրերին տեղի ունեցած ճանապարհատրանսպորտային պատահարների հետևանքով զոհվել է ավելի քան 100 մարդ, այդ թվում՝ մեկ ռուս, հայտնում է երկրի ճանապարհային անվտանգության կենտրոնը։
Գործակալության՝ Facebook-ում հրապարակված տվյալների համաձայն, ճանապարհատրանսպորտային պատահարների հիմնական պատճառներն են եղել ալկոհոլի ազդեցության տակ մեքենա վարելը և արագության գերազանցումը։
Թաիլանդական «Խաոսոդ» թերթը, հղում անելով տեղական ոստիկանությանը, հաղորդում է, որ հունվարի 1-ին մոտոցիկլետային վթար է տեղի ունեցել երկու ռուսների մասնակցությամբ. մեկը մահացել է, իսկ մյուսը, որը թեթև վնասվածքներ է ստացել, հոսպիտալացվել է։