Երեւանի քաղաքապետարանի այս տարվա վերջին գործակարգավարական խորհրդակցությունը քաղաքապետ Տիգրան Ավինյանը սկսեց նոր նշանակման մասին լուրով. Երեւանի քաղաքապետարանի լրատվության վարչության պետի ժամանակավոր պաշտոնակատար է նշանակվել Օֆելյա Սիմոնյանը: Այնուհետեւ քաղաքապետի խորհրդական Կամո Արեյանը ներկայացրեց ձնամաքրման աշխատանքները:
Արեյանն ասաց, որ մայրաքաղաքի ցածրադիր գոտում ձյան շերտի հաստությունը եղել է 10-15սմ, իսկ հյուսիսային գոտում՝ 15-20: Նա նշեց, որ նախապես պատրաստված էին, խոշոր տրամաչափի եւ միջին ֆունկցիոնալության տեխնիկան բաշխված էր նախապես, եւ ճիշտ ժամանակին սկսվել են ձնամաքրման աշխատանքները: «Ամենածանր աշխատանքը, թող տարօրինակ չթվա, ոչ թե ամբողջ գիշեր թաց տեղումների հետ աշխատելն էր, որքան երեկ երեկոյան ջերմաստիճանի կտրուկ անկումը, եւ մենք ամեն ինչ արեցինք, որ քաղաքում խնդիր չառաջանա »,-ասաց քաղաքապետի խորհրդականը: Մեր տեխնիկան ու մեր հերթապահները պետք է պատրաստ լինեն
Մանրամասն՝ տեսանյութում.
«Մեր արձագանքն այս անգամ ավելի օպերատիվ է եղել եւ ավելի պատրաստված ենք եղել: Այնուամենայնիվ, հաշվի առնելով, որ հենց Նոր տարվա գիշերը ամենայն հավանականությամբ տեղումներ, ենք ունենալու, սա նշանակում է, որ դեռեւս հանգստի ժամանակ չունենք, եւ, որպեսզի քաղաքը լինի անցանելի»,-ասաց Տիգրան Ավինյանը:
Գործակարգավարական խորհրդակցությունը՝ տեսանյութով.
Գոհար ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: