Վախթանգ Միրումյանը չի կալանավորվել։ Դատարանը մերժել է Միրումյանին կալանավորելու մասին ՀԿԿ միջնորդությունը։
Հայաստանի հաշվապահների ասոցացիան տեսանյութ է հրապարակել, որում երևում է, որ Միրումյանին ծափերով են դիմավորել։
«Դեկտեմբերի 25-ին Հայաստանի հաշվապահների ասոցիացիայի և Ասոցիացիայի անդամ հանդիսացող Երևանյան գրասենյակների աշխատակիցները առավոտից անհամբեր սպասում էին:
Ասոցիացիայի յոթ տարվա հավատարիմ գործընկեր՝ Հաշվապահների և աուդիտորների ուսումնախորհրդատվական կենտրոնի սիրված ղեկավար պարոն Միրումյանի հերթական այցին:
Այս այցը, բոլորին հայտնի պատճառով, տարբերվում էր նախորդ ժամանակներին կատարած բոլոր այցերից և բնականաբար տարբերվեց նաև Ասոցիացիայի անդամների կողմից առանձնահատուկ ջերմ և էմոցիոնալ դիմավորելու ձևաչափով», – նշված է Հաշվապահների ասոցիացիայի ֆեյսբուքյան էջում։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: