Հարավային Կալիֆոռնիայում հորդառատ անձրևներ են, լեռնային շրջաններում ձյուն է տեղում։
Կալիֆոռնիայի նահանգապետ Գևին Նյուսոմը արտակարգ դրություն է հայտարարել Լոս Անջելեսի, Օրանժի, Ռիվերսայդի, Սան Բերնարդինոյի, Սան Դիեգոյի և Շաստա յի շրջաններում։
Տարածաշրջանի օդերևութաբանները նշել են, որ սպասվում է վերջին տարիների ընթացքում ամենաանձրևոտ Սուրբ Ծնունդը և զգուշացրել են անցյալ տարվա հունվարի անտառային հրդեհներից դեռևս վերականգնվող տարածքներում ջրհեղեղների, սելավաբեր հոսքերի և սողանքների մասին։
Կալիֆոռնիայի ճանապարհային պարեկության տվյալներով՝ Սակրամենտոյի շրջանում «եղանակային վատ պայմանների հետ կապված վթարի» հետևանքով առնվազն մեկ մարդ մահացել է։