Ալժիրի ֆուտբոլի ազգային հավաքականը խոշոր հաշվով հաղթանակ է տարել Սուդանի թիմի նկատմամբ Մարոկկոյում ընթացող Աֆրիկայի ազգերի գավաթի խաղարկության խմբային փուլի մեկնարկային տուրում։
Ռաբատում կայացած E խմբի հանդիպումն ավարտվել է 3։0 հաշվով։ Ալժիրցիների կազմում դուբլի հեղինակ է դարձել Ռիյադ Մահրեզը, ևս մեկ գոլ իր ակտիվում գրանցել է Իբրահիմ Մազան։
Հատկանշական է, որ Ալժիրի հավաքականի դարպասը պաշտպանում էր Լյուկա Զիդանը՝ Ֆրանսիայի հավաքականի լեգենդար ֆուտբոլիստ, աշխարհի և Եվրոպայի չեմպիոն Զինեդին Զիդանի որդին։
Հանդիպման 39-րդ րոպեին Սուդանի հավաքականը մնացել է փոքրամասնության մեջ. երկրորդ դեղին քարտը ստանալուց հետո խաղադաշտից հեռացվել է կիսապաշտպան Սալահելդին Ադիլը։
Երկրորդ տուրում Ալժիրի ընտրանին կմրցի Բուրկինա Ֆասոյի, իսկ Սուդանի հավաքականը՝ Հասարակածային Գվինեայի թիմի հետ։ Երկու հանդիպումներն էլ կկայանան կիրակի օրը։
Աֆրիկայի ազգերի գավաթ 2025, 1-ին տուր
Ալժիր — Սուդան՝ 3:0 (1:0)
Գոլերը՝ Մահրեզ (2, 62), Մազա (86)։
Հեռացում՝ Ադիլ (39, Սուդան)։
Տեսանյութը` ԱՅՍՏԵՂ