Շվեդական «Բրոմապոյկարնան» հրաժեշտ է տվել Հայաստանի ազգային հավաքականի նախկին պաշտպան Անդրե Կալիզիրին։
35-ամյա ֆուտբոլիստի պայմանագրի ժամկետը լրացել է, և կողմերը որոշել են չերկարաձգել այն, հաղորդում է ակումբի մամուլի ծառայությունը։
Կալիզիրը 2023 թվականից էր խաղում «Բրոմապոյկարնայում»։ Կարիերայի ընթացքում նա հանդես է եկել շվեդական, դանիական ու հունական ակումբներում։
Անդրե Կալիզիրը Հայաստանի հավաքականում նորամուտը նշել է 2018 թվականին ու մասնակցել 34 խաղի։ Այս տարի նա հրավեր չի ստացել ազգային թիմից։ Transfermarkt-ը 125 հազար եվրո է գնահատում պաշտպանի տրանսֆերային արժեքը։