22 դեկտեմբերի 2025 – 18:35 AMT
PanARMENIAN.Net – Ռուսաստանի Դաշնության նախագահ Վլադիմիր Պուտինը Սանկտ Պետերբուրգում առանձին հանդիպում է ունեցել Հայաստանի վարչապետ Նիկոլ Փաշինյանի հետ, գրում է ՌԻԱ Նովոստին։
Այլ մանրամասներ չեն հաղորդվում։
Փաշինյանը մասնակցել է Եվրասիական բարձրագույն տնտեսական խորհրդի նիստին, ինչպես նաև Անկախ Պետությունների Համագործակցության երկրների ղեկավարների ոչ պաշտոնական գագաթնաժողովին, որն ավանդաբար անցկացվում է դեկտեմբերի վերջին օրերին Սանկտ Պետերբուրգում։
Փաշինյանի և Պուտինի նախորդ երկկողմ բանակցությունները կայացել են 2025 թվականի սեպտեմբերին՝ Կրեմլում։ Այդ ժամանակ Հայաստանի վարչապետն ու մի շարք օտարերկրյա պատվիրակությունների ղեկավարներ ժամանել էին Մոսկվա՝ մասնակցելու Գլոբալ ատոմային համաժողովին։