Ռուսաստանի նախագահի դեսպան Կիրիլ Դմիտրիևի և ամերիկացի բանակցողների միջև Մայամիում տեղի ունեցած շփումներից հետո ռուսական կողմը կգնահատի, թե ուկրաինական խաղաղության ծրագրի որ առաջարկները կարող են և չեն կարող ընդունվել։ Այս մասին հայտարարել է Ռուսաստանի նախագահի օգնական Յուրի Ուշակովը։
«Պարոն Դմիտրիևն այժմ գործուղման մեջ է Մայամիում։ Նա կբերի որոշ ազդանշաններ, որոնք ամերիկացիները ստացել են եվրոպացիներից և ուկրաինացիներից։ Մենք այս ամենը կքննարկենք այստեղ, և կտեսնենք, թե ինչ կարելի է ընդունել, և ինչը՝ բացարձակապես չի կարելի», – ասել է նա ВГТРК-ի լրագրող Պավել Զարուբինին։
Ուշակովը հավելել է, որ խաղաղության ծրագրի առաջարկների մեծ մասը, հավանաբար, ընդունելի չի լինի ռուսական կողմի համար։ Նա հաստատել է, որ ԱՄՆ-ի հետ բանակցությունների ընթացքում ներկայացված առաջարկների մեծ մասը ներկայացրել են Ուկրաինան և Եվրոպան, և որ Կրեմլի ներկայացուցիչը դրանք համարել է «բավականին ոչ կառուցողական»։