Մենք ամերիկեան նախագիծերու որեւէ վերատեսութեան ենթարկուած տարբերակ չենք տեսած: Երբ տեսնենք, անոնցմէ շատերը կրնան մեզի հաճելի չգալ: Այս մասին լրագրողներուն յայտարարած է Ռուսիոյ նախագահի արտաքին քաղաքականութեան հարցերով օգնական Եուրի Ուշաքով:
«Մեզի պէտք է ցոյց տան, թէ ամերիկացիները եւրոպացիներու եւ ուքրանացիներու հետ ինչի՛ շուրջ համաձայնութեան եկած են», ընդգծած է Ուշաքով:
Ուշաքով «Քոմերսանթ»-ի հետ հարցազրոյցի ընթացքին յայտարարած է, որ Ուքրանիոյ մէջ զինադադարը կարելի է միայն այն ժամանակ, երբ Քիեւի զօրքերը դուրս գան Տոնպասի շրջանէն:
Ան չէ բացառած, որ Տոնպասի մէջ տեղակայուի միայն Ռուսիոյ ազգային պահակագունդը, եւ ռուսական բանակ չըլլայ այն շրջաններուն մէջ, որոնք ներկայիս կը գտնուին Ուքրանիոյ վերահսկողութեան տակ:
«Եթէ ոչ բանակցութիւններու միջոցով, ապա զինուորական ճամբով այս տարածքը պիտի անցնի Ռուսիոյ լիակատար վերահսկողութեան տակ: Մնացեալ ամէն ինչ ատկէ կախեալ պիտի ըլլայ», ըսած է Ուշաքով: