Հայաստանի լավագույն թենիսիստուհի Էլինա Ավանեսյանը, որը ուսի վնասվածքի եւ մկանային վիրուսի պատճառով մրցաշրջան 2025-ի երկրորդ հատվածում չէր մասնակցում մրցաշարերի, արդեն վերականգնվել է եւ այժմ Իսպանիայում նախապատրաստվում է 2026 թվականի հունվարի 12-ից փետրվարի 1-ը Մելբուռնում կայանալիք Ավստրալիայի բաց առաջնությանը։ Այս մասին Aravot.am-ին տեղեկացրեց Հայաստանի թենիսի ֆեդերացիայի գործադիր տնօրեն եւ գլխավոր քարտուղար Գեւորգ Կարամանուկյանը։
Ավստրալիայում պատրաստվում է հանդես գալ նաեւ ATP վարկանիշային դասակարգման 18-րդ ռակետ ռուսաստանաբնակ հայ թենիսիստ Կարեն Խաչանովը, որի հետ մրցաշարում կլինեն նաեւ Ռուսաստանի տղամարդկանց հավաքականի մյուս երկու առաջատարները՝ Դանիիլ Մեդվեդեւը եւ Անդրեյ Ռուբլյովը։
Աշոտ ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: