Բնապահպանության և ընդերքի տեսչական մարմնի ղեկավար Հովհաննես Մարտիրոսյանն ու Ակադեմիկոս Ի.Վ.Եղիազարովի անվան ջրային հիմնահարցերի և հիդրոտեխնիկայի ինստիտուտի տնօրեն Արմեն Բաբայանը ստորագրել են համագործակցության հուշագիր, որն ուղղված է բնապահպանության և ընդերքօգտագործման ոլորտում գիտական, փորձագիտական և հետազոտական կարողությունների զարգացմանը։
Հուշագրի նպատակն է ամրապնդել երկու հաստատությունների համագործակցությունը՝ միավորելով վերահսկողական մարմնի գործնական փորձն ու ինստիտուտի գիտական ներուժը։
Կողմերը կգործակցեն հիդրոտեխնիկական մոդելավորման, հետազոտությունների իրականացման, ջրային ռեսուրսների ռիսկերի գնահատման, ընդերքօգտագործման ոլորտում ընթացիկ և հեռահար ծրագրերի մշակման ուղղություններով։
Համագործակցությունը նպատակ ունի ապահովել գիտելիքահեն որոշումների կայացում, բարձրացնել վերահսկողական և կանխարգելիչ մեխանիզմների արդյունավետությունը և խթանել բնապահպանական քաղաքականության զարգացմանը նպաստող նախաձեռնությունները։
ԲՆԱՊԱՀՊԱՆՈՒԹՅԱՆ ԵՎ ԸՆԴԵՐՔԻ ՏԵՍՉԱԿԱՆ ՄԱՐՄԻՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: