Միացեալ Նահանգներու նախագահ Տանըլտ Թրամփ «Փոլիթիքօ» օրաթերթին յայտնեց. «Եւրոպացի ղեկավարները շատ կը խօսին, սակայն ոչինչ կ՛ընեն, եւ Ուքրանիոյ պատերազմը անվերջ կը շարունակուի»:
«Ուքրանիոյ մէջ երկար ժամանակէ ի վեր ընտրութիւններ տեղի չեն ունեցած, եւ հարցերը հասան տեղ մը, ուր այլեւս դադրեցաւ այնտեղ ժողովրդավարութիւն գոյութիւն ունենալ», նշեց Սպիտակ տան ղեկավարը:
Գերմանիոյ վարչապետ Ֆրիտրիխ Մերց յայտնած էր. «Ամերիկեան ազգային անվտանգութեան ռազմավարութեան կարգ մը հատուածներ եւրոպական տեսանկիւնէն անընդունելի են, մանաւանդ որ նոր փաստաթուղթը խօսեցաւ Եւրոպայի մէջ քաղաքակրթական բնաջնջումի մասին»:
Եւրոպայի տնտեսական մեծագոյն երկիրը եղող Գերմանիոյ վարչապետը ամերիկեան մեծ ռազմակայանները պարունակող Ռայնլանտ-Պֆալց նահանգ այցելութեան ընթացքին նշած էր. «Ամերիկացիները այժմ կ՛ուզեն Եւրոպայի մէջ ժողովրդավարութիւնը փրկել. իմ տեսակէտով ատոր կարիքը չկայ»: