Ծանր կշիռի բռնցքամարտիկ Թեմուր Մամոյեան (11-0) նուաճեց «Տապըլեու. Պի. Էյ.» Ուորտ Կոլտ» ախոյեանութեան գօտին` նաք-աութով պարտութեան մատնելով Ճուար Շէյխին:
Մրցումը տեղի ունեցաւ Գերմանիոյ Կիւպինկեն քաղաքին մէջ, ուր Մամոյեան 8-րդ ռաունտին աւարտեց իր մենամարտը:
34 տարեկան մարզիկը, որ ազգութեամբ եզիտի է, ծնած է Երեւան, սակայն վերջին տարիներուն կը բնակի եւ կը մարզուի Գերմանիոյ մէջ: Այս յաղթանակը եղաւ անոր արհեստավարժ ասպարէզի մեծագոյն ձեռքբերումն ու կարեւորագոյն նուաճումը, որուն համար Մամոյեան տարիներով կ՛աշխատէր:
Հետաքրքրականը այն է, որ Մամոյեան 2022-ին, երբ 31 տարեկան էր, առաջին անգամ ըլլալով մուտք գործած էր արհեստավարժ ասպարէզ, բայց ան տպաւորիչ ելոյթներ ունեցած է իր 11 մենամարտներն ալ նաք-աութով յաղթելով: