Հունգարիայի վարչապետ Վիկտոր Օրբանը հայտարարել է մեծ պատվիրակության Ռուսաստան այցի մասին։
«Առաջիկա օրերին՝ դեկտեմբերի սկզբին, Մոսկվա է մեկնելու հսկայական գործարար պատվիրակություն՝ բացառապես տնտեսական հարցեր քննարկելու համար», – ասել է նա՝ ելույթ ունենալով Կեչկեմետում կայացած միջոցառման ժամանակ։
Վարչապետի խոսքով՝ Հունգարիան բանակցություններ է վարում Ռուսաստանի հետ՝ պատժամիջոցների վերացումից հետո ռազմավարական և տնտեսական համագործակցություն կառուցելու վերաբերյալ։
Արևմուտքը մեծացրել է Մոսկվայի վրա տնտեսական ճնշումը՝ Ուկրաինայի իրադարձությունների պատճառով, ինչը հանգեցրել է էլեկտրաէներգիայի, վառելիքի և սննդի գների բարձրացմանը Եվրոպայում և Միացյալ Նահանգներում:
Հատուկ գործողության մեկնարկից ի վեր ԵՄ-ն արդեն իսկ սահմանել է սահմանափակումների 19 շարք: