«Ռեալի» հարձակվող Կիլիան Մբապեն Իսպանիայի առաջնության «Ատլետիկի» դեմ խաղում դուբլի հեղինակ դառնալու շնորհիվ գրանցել է պատմական ցուցանիշ։
Ֆրանսիացին օրացուցային տարվա ընթացքում իր գոլերի թիվը հասցրել է 62-ի։ Այս ցուցանիշով նա բարձրացել է 10-րդ հորիզոնական պատմության լավագույն ռմբարկուների ցանկում (մեկ տարվա կտրվածքով)՝ գերազանցելով Կրիշտիանու Ռոնալդուի 2014 թվականի արդյունքը (61 գոլ)։
Մբապեի հաջորդ նպատակն է Ռոնալդուի մյուս ցուցանիշները շրջանցելը՝ 63 գոլ (2012թ․) և 69 գոլ (2013թ․)։
Իսկ բացարձակ ռեկորդը պատկանում է «Ինտեր Մայամիի» հարձակվող Լիոնել Մեսսիին, ով 2012 թվականին «Բարսելոնայի» կազմում խփել է 91 գնդակ։
26-ամյա Մբապեն «Ռեալի» կազմում բոլոր մրցաշարերում անցկացրած 20 խաղում դարձել է 25 գոլի և 4 գոլային փոխանցման հեղինակ: Transfermarkt-ը նրա տրանսֆերային արժեքը գնահատում է 180 մլն եվրո: