Ուկրաինան լուրջ հետևանքներ կունենա կոռուպցիոն սկանդալի պատճառով, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Ի՞նչ հետևանքներ կլինեն։ Ակնհայտ է՝ չափազանց բացասական։ Բայց չեմ կարծում, որ որևէ մեկը կարող է հենց հիմա ճշգրիտ կանխատեսել, թե դրանք ինչպիսին կլինեն», – նշել է Պեսկովը։
Նա հավելել է, որ Ուկրաինայում կոռուպցիոն սկանդալը ցնցում է երկրի քաղաքական համակարգը բոլոր ուղղություններով, և այնտեղ իրավիճակը շատ լուրջ է լինելու։
Հիշեցնենք, որ կոռուպցիայի դեմ պայքարի մարմինները խուզարկություններ են անցկացրել Վլադիմիր Զելենսկու գրասենյակի ղեկավար Անդրեյ Երմակի տանը։