ԲՏԱ նախարարի տեղակալ Ռուբեն Սիմոնյանն ընդունել է Թուրքմենստանի կրթության փոխնախարար Ազատ Աթաևի գլխավորած պատվիրակությանը։
Նախարարի տեղակալը ներկայացրել է տեխնոլոգիական կրթության ոլորտում Հայաստանի ունեցած փորձը՝ ընդգծելով, որ երկու երկրների միջև տարբեր ուղղություններով առկա է արդյունավետ համագործակցություն, ինչպես նաև մեծ ներուժ՝ հետագա գործակցության համար։
Անդրադարձ է կատարվել նաև Հայաստանում բարձր տեխնոլոգիաների զարգացմանն ուղղված ռազմավարությանը, օրենքի ուժ ստացած յոթնամյա ծրագրին։
Հանդիպման ավարտին կողմերը պայմանավորվել են շարունակել քննարկումները երկու երկրների ոլորտային մասնագետների մասնակցությամբ՝ նախանշելով հետագա գործակցության կոնկրետ ուղղությունները։